Meio 'ndar col mus (se se podessi)

Vedere l'argomento precedente Vedere l'argomento seguente Andare in basso

Meio 'ndar col mus (se se podessi)

Messaggio Da guido bighelli il Mar 4 Mag 2010 - 13:41

Stamatina presto go dovù andar vizin Varese e sentivo per radio che el petrolio ogi par che'l costi 85 $ al baril cioè el xe sbassà de prezo.
Subito dopo scolto che la benzina xe aumentada a 1,44 €/l. e el gasolio a 1,29 €/l.
A sto riguardo penso a quei che disi (ma no ghe credo) che bisognassi girar a pie, no usar l'auto, ecc. ecc.
Alora me digo: si, va ben, forsi a TS se pol, mezi publici che funziona, un autobus drio del'altro, un bel e bon servizio insoma. Qua de mi no xe cussì.
Stamatina, come che go dito, iero a Varese, se dovevo 'ndar col treno gavessi dovù partir ieri sera e pernotar là per eser puntual al'apuntamento de stamatina. Go fato tuto e ben solo con l'auto e go fato anche gasolio...
I petrolieri e i vari governi sa ben ste robe (i spendi milioni per i studi de mercato e veder come inc.... el prosimo) e alora...va ben cussì: machine avanti tuta!
Noi no gavemo una asociazion valida de consumadori che ne tutela come che esisti al'estero, che 'riva a convinzer i propri iscriti a no consumar quel o quel'altro prodoto, no usar questo o sto altro; romper veramente le bale fin che qualchedun del'altra parte mola. Sarà el nostro individualismo sfrenà che gavemo noi 'taliani...e alora paga mona!
avatar
guido bighelli
aspirante capitano de coperta

Numero di messaggi : 1630
Località : Bergamo
Occupazione/Hobby : tuto e gnente
Data d'iscrizione : 11.06.09

http://tacomaco40@gmail.com

Tornare in alto Andare in basso

Re: Meio 'ndar col mus (se se podessi)

Messaggio Da borin il Mar 4 Mag 2010 - 16:45

mi son de quei che no dopra quasi più la macchina, ma soprattutto perchè me go stufado de bazzilar per zercar parcheggio, de innervosirme per strada, de vegnir superada de tutti in autostrada, incugnada fra un camion e un altro, perchè go solo che un'utilitaria, e anche perchè a Trieste xe tante machine, semo come fasoi in pignata, che se urta facilmente: una trentina de anni fa, co la dopravo de più, me son trovada ciapada in una serie de piccoli incidenti, niente de serio, e iero sempre mi dela parte dela ragion: Un che xe passado col rosso, un che me ga taiado la strada con conversion improvvisa a U, due che me ga tamponado che iero ferma al semaforo col rosso, una che andava controman.. insoma i me ga sempre pagado lori, ma bazzila, corri col assicurazion.. resta un per de giorni senza macchina.. no xe più gusto! e co vedo el traffico in città, cossa de più bel che lassar che se distrighi el autista, che xe pagà per quel! e el me porta esattamente dove che devo andar, no a un posteggio lontan dela mia meta, e comincio a aver un'età che gnanca no sempre me ocori ceder el posto sentada
avatar
borin
aspirante capitano de coperta

Numero di messaggi : 1519
Data d'iscrizione : 10.01.09

Tornare in alto Andare in basso

Re: Meio 'ndar col mus (se se podessi)

Messaggio Da Fabiana il Mar 4 Mag 2010 - 16:59

Xe vero borin, i triestini che abita a Trieste i xe fortunai par come i xe servidi de'i mezi publici, ma come che gò zà gavù ocasion de dir, quà in Lombardia (che la dovarìà eser la region più "avanzata" de l'Italia), come che gà dito anca Guido no' funzia cusì.
Noi gavemo 'na machina sola e mio marì xe costreto a doprarla par 'ndar sul posto de lavor a cior el furgon, parché no ghe xe treni locai che i rivi in tempo; cusì mi resto a pìe e, credime, tante volte me toca doprar el taxi, che quà de mi no' gà gnanca el tasametro: i và a una tantum a seconda de come che ghe gira, per cui capiso benisimo l'in******ra de Guido e anca quela de mio marì a mezogiorno cò el gà visto el telegiornale.

Ciau, sempre con tantisima simpatia, Fabiana.
avatar
Fabiana
comandante

Numero di messaggi : 3354
Località : Tirano
Occupazione/Hobby : un po' di tutto
Data d'iscrizione : 10.04.09

Tornare in alto Andare in basso

Re: Meio 'ndar col mus (se se podessi)

Messaggio Da margherita il Mar 4 Mag 2010 - 17:02

Cossa gà dito Guido ?mezzi pubblici che funziona, un bus drio l'altro,un bel e bon servizio.........a Trieste ? te posso garantir che se te va a pie te fa prima.....te toca spetar un futio de tempo e
cò i riva i xe pieni come ovi.....se basta. Per andar da S.Giovanni
ai portici de Chiozza i ghe impiega un sacco de tempo per via
della rotonda che i gà impiantado là del giardin pubblico e che
dopo due anni no la xe ancora fatta e credime se te digo che
a pie più de una volta mi son rivada ai portici prima che rivi un
bus.
avatar
margherita
aspirante capitano de coperta

Numero di messaggi : 1101
Località : Trieste
Occupazione/Hobby : pittura musica libri
Data d'iscrizione : 27.01.09

Tornare in alto Andare in basso

Re: Meio 'ndar col mus (se se podessi)

Messaggio Da guido bighelli il Mer 5 Mag 2010 - 9:18

Bongiorno a tuti,
volevo precisar meio el mio pensier a Margherita: sicuramente el mio giudizio ex stà sora le righe perchè basà solo sul fato de veder quanti bus che gira per TS, che da l'impresion che sia una zità ben servida come trasporti publici.
Quel che disi Margherita sarà senz'altro più giusto perchè la toca con man el problema però mi digo che xe meio gaverli sti mezi publici de trasporto, anche se incasinai come trafico, che no gaverli!
Fabiana ga da la sua testimonianza e de mi xe compagno. No sta creder che a Milan se svoli parlando de trafico zitadin mentre Bergamo ex perenemente intasada. Cmq se se ga de girar solo in zità e te ghe meti un mucio de tempo anche per pochi km, xe sempre meio che usar l'auto che po', come che disi Borin, no te sa 'ndove meterla sta maledeta scatoleta de sardine: xe el mio incubo quando che vegno a Trieste...
Mi, ormai, de più de 20 anni, co vado a Milan, ciapo l'autostrada e, a seconda de dove che devo 'ndar, me fermo in uno de quei grandi postegi comunai che esisti nela cerchia periferica: te trovi sempre posto se proprio no xe qualche fiera 'ssai importante e alora te bazili un poco. De là te ciapi la MM che te porta in tute le zone de Milan:
cussì dovessi eser tute le zità.
avatar
guido bighelli
aspirante capitano de coperta

Numero di messaggi : 1630
Località : Bergamo
Occupazione/Hobby : tuto e gnente
Data d'iscrizione : 11.06.09

http://tacomaco40@gmail.com

Tornare in alto Andare in basso

Re: Meio 'ndar col mus (se se podessi)

Messaggio Da Fabiana il Mer 5 Mag 2010 - 11:12

Bongiorno a tute e a tuti i amici del forum;
quoto in pien quel che gà dito Guido senza zontar altro.

Ciau, sempre con tantisima simpatia, Fabiana.
avatar
Fabiana
comandante

Numero di messaggi : 3354
Località : Tirano
Occupazione/Hobby : un po' di tutto
Data d'iscrizione : 10.04.09

Tornare in alto Andare in basso

Re: Meio 'ndar col mus (se se podessi)

Messaggio Da Giacomin il Mer 5 Mag 2010 - 14:18

A prescindere che mi son “de parte” e tendo a difender la categoria. El servizio de trasporti a Trieste xè uno dei migliori, e no lo digo mi. Se ghe vol tropo tempo per spostarse in città non bisogna darghe la colpa al servizio ma alla moltitudine de gente che dopra l’auto anche per andar a pisar e se ferma dove che vol fregandosene de tuto e de tuti. Cussì anche se le partenze dei bus le xè ogni 5 minuti (vedi la 29 da via Svevo) ti a metà strada te la devi spetar 10 se no de più. E cussì (e anche pezo) xè per tute le linee.

_________________
Tutto passa......meno el bus che te speti.

http://www.rovinj-apartman-soni.com/
avatar
Giacomin
Armator

Numero di messaggi : 2581
Località : Trieste
Occupazione/Hobby : colaudator de poltrone, divani e materassi vari
Data d'iscrizione : 07.01.09

http://triestin.forumattivo.com

Tornare in alto Andare in basso

Re: Meio 'ndar col mus (se se podessi)

Messaggio Da sum culex il Gio 6 Mag 2010 - 11:18

Mi dopro pochisimissimo l'auto: no me piasi guidar per l'indisciplina de tanti (sopratuto de moto e motorini), per l'intasamento del trafico e anche causa i oci fazo fadiga, tanto che in centro no vado MAI se no cola corriera (ciogo sempre l'abonamento mensile ala rete; una volta go rivà a far fin più de sei corse in un giorno). Anche fora cità vado veramente assai poco anche se non picia volessi che se movemo de più: pensè che sto ano in 365 giorni no go rivà a far in machina gnanche 500 km.
No posso parlar mal, anzi, del servizio publico: i autobus xè suficientemente neti e i orari xè discretamente rispetai. Sì, efetivamente i percorsi xè assai lenti, ma no per colpa del servizio ma per l'ecessivo trafico e l'azienda no pol purtropo farghe gnente. E anche la conformazion dela cità con tuto concentrado in un centro bastanza picio e con vie piutosto strete pregiudica la velocità dei mezzi. L'unico neo xè i giorni festivi coi orari, per conto mio, tropo diluidi.
ciao
sum culex
avatar
sum culex
aspirante capitano de coperta

Numero di messaggi : 1113
Località : Trieste
Occupazione/Hobby : foto/piante/bricolage
Data d'iscrizione : 15.07.09

Tornare in alto Andare in basso

Re: Meio 'ndar col mus (se se podessi)

Messaggio Da nonapicia il Ven 7 Mag 2010 - 7:09

Disemo pur che se i triestini no fossi dei pigroni, che ciol la machina anche per andar a cior el giornal soto casa, in cità i autobus poderia girar meio e più svelti. Ma savemo che anche in quel caso la gente se lamenteria, perchè no ghe va mai ben niente....
avatar
nonapicia
aspirante capitano de coperta

Numero di messaggi : 1897
Località : Trieste - Venezia Giulia - Italia
Occupazione/Hobby : star in pase, far qualche foto e leger
Data d'iscrizione : 11.07.09

Tornare in alto Andare in basso

Re: Meio 'ndar col mus (se se podessi)

Messaggio Da borin il Ven 7 Mag 2010 - 7:23

e po.. gavè visto cossa nassi a trieste co piovi? paressi come se ale prime iozze de piova tuti i triestini coressi in machina e cominciassi a girar per le strade!
avatar
borin
aspirante capitano de coperta

Numero di messaggi : 1519
Data d'iscrizione : 10.01.09

Tornare in alto Andare in basso

Re: Meio 'ndar col mus (se se podessi)

Messaggio Da Fabiana il Ven 7 Mag 2010 - 10:27

I gavarà paura de creser co' tanta aqua borin?
Boh, mi ribadiso che girar par Trieste co'i mezi publici xe un sogno!!!
In quela setimana che son stada là ghe ne gò doprado tanti e i me gà sempre portado andove che volevo 'ndar e gnanca in tanto tempo!
Provè vignir quà de mi e capirè ben de quel che digo.

Ciau, sempre con tantisima simpatia, Fabiana.
avatar
Fabiana
comandante

Numero di messaggi : 3354
Località : Tirano
Occupazione/Hobby : un po' di tutto
Data d'iscrizione : 10.04.09

Tornare in alto Andare in basso

Re: Meio 'ndar col mus (se se podessi)

Messaggio Da Contenuto sponsorizzato


Contenuto sponsorizzato


Tornare in alto Andare in basso

Vedere l'argomento precedente Vedere l'argomento seguente Tornare in alto


 
Permessi di questa sezione del forum:
Non puoi rispondere agli argomenti in questo forum