Pensierin su FIAT

Vedere l'argomento precedente Vedere l'argomento seguente Andare in basso

Pensierin su FIAT

Messaggio Da guido bighelli il Ven 5 Feb 2010 - 11:28

Ultimamente se parla tanto de FIAT e dela situazion, ciamemola "pesante", che se ga creà per sti lavoratori del stabilimento de Termini Imerese. Bisognassi però far un picio passo indrio, quando che a FIAT se ghe ga regalà, un poco ala volta, tuto el setor de l'auto in Italia e ricordarse come che la se ga magnà prima Lancia, po' Autobianchi de Desio e per ultima Alfa Romeo de Arese, senza tirar fora una flica che sia una.
Con l'Alfa, grande colpa ga avù anche i sindacati che, per no perder el controlo dei operai, i se gà oposto strenuamente al'entrata de Ford che iera interesada a entrar in Alfa...ma sta qua xe un'altra storia!
FIAT ga avù tuto quel che podeva desiderar una azienda privata e forsi anche de più e, oltre le regalie soradite, la ga avù casse integrazion lavor co la voleva, incentivi de rotamazion, soldi a volontà per far stabilimenti al sud ecc. ecc. Tuto questo sventolando sempre la minacia de licenziar lavoratori se i vari governi no calava le braghe!
FIAT doveva almeno mantighir el posto de lavor dei sui operai e inveze el sior Marchionne vien fora a dir che produr a Termini Imerese no xe produtivo e xe meio portar i stabilimenti al'estero. Tuto questo con grande lungimiranza de quel che sucederà de qua ala fin del 2011. E alora mi me domando de qualche tempo a sta parte: " Sta nova leadership de FIAT che la vol comprar tuto, Chrysler, tentativo ma riuscì per Opel ecc. e po' se disi che i stabilimenti italiani come Alfa (zà chiusa) e Termini (che chiuderà) no va ben e no i xe remunerativi e se porta el lavor fora del'Italia, me par che la voi far el zogo dele tre carte..."
Xe qualcossa che bisognassi aprofondir e me par che el governo, per cui lo stato, dovessi finalmente imporse seriamente nela difesa del posto de lavor: i mezzi no ghe manca se se volesi far ragionar un poco meio sto sior Marchionne e no eser solo e sempre ricatai...
avatar
guido bighelli
aspirante capitano de coperta

Numero di messaggi : 1630
Località : Bergamo
Occupazione/Hobby : tuto e gnente
Data d'iscrizione : 11.06.09

http://tacomaco40@gmail.com

Tornare in alto Andare in basso

Vedere l'argomento precedente Vedere l'argomento seguente Tornare in alto


 
Permessi di questa sezione del forum:
Non puoi rispondere agli argomenti in questo forum