Natura, lavor e vacanze

Vedere l'argomento precedente Vedere l'argomento seguente Andare in basso

Natura, lavor e vacanze

Messaggio Da Orso il Dom 7 Ago 2011 - 18:25

No go scrito per tanto tempo perchè tra una roba e l'altra, gavemo pasado bastanza tempo per strada e, co' jerimo a casa, ogni ano in estate me ciapa la febre del "reno" e comincio a riparar, rinovar e costruir come un maniaco per casa e el giardin.

Nele nostre due escursioni, una qua localmente, nela Nicola valley e una a nord nela provincia de Alberta, son rivà scatar un per de bele foto de animali e interesanti foto dela formazion geologica dela vale del'Okanagan e del Nicola.

Per cominciar, un per de foto de un "osprey" (in Inglese), el
cui nome scientifico xe "Pandion haliaetus" . Qua lo ciamemo anche falco marin o aquila marina. Xe un maestoso usel, grande e bel che se nutrisi esclusivamente de pesi. El fa i nidi sui tronchi dei alberi veci e tante volte sui pai de eletricita de alta tension. Per quel la BC Hydro, l'azienda idroeletrica dela British Columbia, co i instala pai vizini ala costa de un lago o de un fiume, sora i pai de alta tension i ghe meti dele piataforme, cusì che el falco el se fa el nido senza ris'cio de farse mal.

Eco le foto, un in volo, mentre che el se prepara a sorvolar la superficie del lago per becar un pese e una nel nido, pronto a atacar corvi, in caso che i zerchi de rubarghe i ovi.

[Devi essere iscritto e connesso per vedere questa immagine] [Devi essere iscritto e connesso per vedere questa immagine] [Devi essere iscritto e connesso per vedere questa immagine]


(Sto ultimo corvo, quell la col capel son mi).

La formazion geologica de squasi tuto el sud centrale dela Colombia Britanica xe tipicamente un strato relativamente sotile (in termini de geologia) strato de rocia, tipicamente quarzite o granite opur quel che noi ciamemo "intrusive rock" che xe una rocia giovine, altamente riascaldada e rota o in strati o se no in cubi. Soto quel strato superficiale, se trova el leto de lava che se ga alzado soto tera e ga formado la natura del nostro logo. Praticamente ogni monte più o meno conico che se vedi qua de ste parti xe un vulcan spento. Co se munti in zima a sti monti se vedi el cratere e se pol renderse conto dei cataclismi pre-glaciali che gavevemo gavudo qua. Ma in nisun post no go mai visto cusì bel esempio dela formazion geologica come sula montagna del est del Nicola lake, dove che jerimo a far del camping. Se vedi propio distintamente la rocia superficiale e soto la lava che la ga forzada in alto.

[Devi essere iscritto e connesso per vedere questa immagine] [Devi essere iscritto e connesso per vedere questa immagine] [Devi essere iscritto e connesso per vedere questa immagine]



Tornadi a casa dal camping me son roto la schena per far un recinto de legno, che cusì no go de preocuparme de Roxie, che ghe piasi visitar i cani che pasa per la strada.

(Se mai gavè bisogno de recintar la proprietà, eco l’esempio del mio lavor. Telefoneme e vignarò subite farve un anche a voi)

[Devi essere iscritto e connesso per vedere questa immagine]


Fato el recinto, semo andadi fin a Falher, un picio vilagio de meno de 1000 abitanti, al nord del'Alberta.

Per strada semo pasadi per i grandi parchi nazionali e privinciali che, abitualmente i xe popoladi de selvagina che gironzola pertuto, coscienti che i ospiti nela foresta del parco semo noi e no lori. Ma sto ano gavemo visto poche bestie perchè con tute le piove che gavemo gavudo, lore le resta in montagna dove che cresi l'erba fresca e nesun ghe rompi le scatole.

Comunque gavemo scatà un per de bele. Pecà che gavvimo visto un lupo giovine, forsi meno de un ano, e un baby grizzly che no no semo rivadi a fotografarli. La prosima volta!

Nele foto, due wappiti e un branco de cavre selvadighe.

[Devi essere iscritto e connesso per vedere questa immagine] [Devi essere iscritto e connesso per vedere questa immagine] [Devi essere iscritto e connesso per vedere questa immagine] [Devi essere iscritto e connesso per vedere questa immagine]

Curriculum vitae de sti ultime due mesi.

Orso
avatar
Orso
secondo uficial

Numero di messaggi : 107
Data d'iscrizione : 16.01.09

Tornare in alto Andare in basso

Re: Natura, lavor e vacanze

Messaggio Da Giacomin il Lun 8 Ago 2011 - 5:01

Ben fata orsi Very Happy bravi

_________________
Tutto passa......meno el bus che te speti.

http://www.rovinj-apartman-soni.com/
avatar
Giacomin
Armator

Numero di messaggi : 2581
Località : Trieste
Occupazione/Hobby : colaudator de poltrone, divani e materassi vari
Data d'iscrizione : 07.01.09

http://triestin.forumattivo.com

Tornare in alto Andare in basso

Vedere l'argomento precedente Vedere l'argomento seguente Tornare in alto


 
Permessi di questa sezione del forum:
Non puoi rispondere agli argomenti in questo forum